翻新木傢私？木工作品收尾？ Watco 丹麥木蠟油幫你變木工玩家！

最近留係屋企嘅時間多咗，望住四面牆發現啲木傢俬日久失修，有啲俾太陽曬到甩晒色，唔想買新咁晒錢？自己郁手翻新又無從入手？Watco 丹麥木蠟油可能就係你最佳救星喇！

一齊！動手！做木工！

其實木材油漆唔單止用係保養舊傢俬，唔少人鍾意買一件件嘅木材DIY，享受組裝過程之餘，唔好忘記幫完成品著返件保護衣，最後嘅上油步驟都好重要！，木材油漆嘅能覆蓋木材表面上嘅凹凸紋理，保護到木材同時令佢更耐用，上啱油就可以幫件木材延年益壽，但係咁多種木蠟油，每款都有唔同特點同用途，應該點揀好？

WATCO係美國防護漆大牌子RUST-OLEUM 旗下品牌，WATCO 呢個牌子就專出木材塗料漆油，主要分為OIL（油）以及Layer（塗層），Oil會深入木材毛孔裡面，由內部開始保護木材、增強木材自然感觀；Layer塗係木材表面，通常係用於保護以及突出木材紋理，而幾時用Oil幾時同Layer，就係取決於你舊木本身嘅用途同木質！

－－－－－－－－－－－－－－－－－－－－－－－－－－－－－－－－－－－－－－－－－－－

一般保養： Danish Oil丹麥木蠟油

‧ 光澤：啞光
‧ 塗層類別：OIL
‧ 特點：耐用防水、且有不同顏色（Natural(自然色)、Dark Walnut(深色)、Black(黑色)）、美化木材
‧ 用途：木器保養、上色

以用途最廣泛嘅Danish Oil丹麥油為例，通常用嚟上色、防水同木材保養，Danish Oil滲透性非常好，可以深層滲透到木材深處從而達到保護效果，加強木材嘅自然紋路和手感，乾透後漆膜硬淨而且非常耐用，可以keep幾年唔剝落、唔裂開。

佢嘅用法都好簡單，如果係新木就要先打磨平滑同清理好表面，如果係現有嘅木材傢俬就要先清走舊有嘅塗層，所有木係上油之前都要確保表面乾燥，清潔而無灰塵，咁樣先可以有最好嘅效果！

準備工具：

1）用刷/布料沾少許Danish Oil，然後係木材表面上塗抹，放置15分鐘

2）15分鐘後可以用220g嘅砂紙輕輕打磨一次，因為佢吸油嘅時候會令到表面變得毛糙，磨完之後再上一次油，順便將油得唔勻旬嘅地方補好

3）15分鐘後將多餘嘅油抹走，等8-10個鐘就完成

注意：上聚氨酯前要確保已上油既木製品已經風乾72個鐘

顏色方面佢有3款顏色選擇，分別係Natural(自然色)、Dark Walnut(深色)、Black(黑色)：

Natural上色後色調偏黃，木紋變得更明顯；

Dark上色後偏啡黃，暖色調；

Black上色後偏啡黑，冷色調。

其實效果好視乎你用嘅木材、紋路、油嘅層數，同埋你想要嘅風格嚟決定，唔可以一刀切話啲隻油就一定係呢隻色，所以係真正上油之前，最好搵啲剩料或者唔覺眼嘅地方試一試色，唔好貪心一嚟就大手一揮上色，特別係Dark Walnut同Black呢類咁深色嘅，上得淺啲唔夠可以補色，上得太深就唔係油白或者溝水可以補救到架喇，上一層已經夠色水就可以唔使再上，而Danish Oil本身係啞光，有需要亦可以用拋光漆油提高光澤度。

－－－－－－－－－－－－－－－－－－－－－－－－－－－－－－－－－－－－－－－－－－－

拋光專用： Satin Finishing Wax 緞面拋光蠟

‧ 光澤：緞面光澤效果

‧ 塗層類別：LAYER

‧ 特點：防水

‧ 用途：隱藏木板上既刮痕

1）使用前需要徹底地搖勻

2）倒適量Tung Oil於布上塗抹

3）風乾10分鐘後用乾淨布抹去多餘既油

如果想喺已油咗Danish Oil嘅木板上加多層Satin Wax，首先要確保Danish Oil已風乾72小時，然後用布沾少許Satin Wax抹喺木材上，等10分鐘到就會乾，多餘嘅蠟用布抹返走就得，睇情況可以做多層，加強保護力，留意返Layer只係喺表面，所以要按佢嘅損耗情況定時修補。

有木蠟油嘅木板顏色會黃啲同埋反光一啲，亦都有保護效果。

基本上咁樣兩層Oil 一層Layer，就適用於大部分嘅木材保養～保養洽當嘅話仲可以keep到3年，但係新手上路或者懶人出手想一次過搞掂晒又可以點呢？

－－－－－－－－－－－－－－－－－－－－－－－－－－－－－－－－－－－－－－－－－－－

懶人保養：Tung Oil 桐油

‧ 光澤：光面

‧ 塗層類別：OIL

‧ 特點：快乾，防止剝落、剝離及裂開

‧ 用途：增強天然木質色調，不會隨著時間而變得暗沉

‧ 用法：

1）使用前需要徹底地搖勻

2）倒適量Tung Oil於刷/布上，順住木紋方向塗抹

3）風乾15分鐘，比時間木板吸收，然後用乾淨布抹去多餘既油

4）風乾24小時後可以重複步驟2及3，再風乾24小時即可。建議塗兩層，加強光澤感

Tung Oil桐油同Danish Oil功能相似，可以話係Danish Oil嘅懶人版，佢都係以滲透木材以達到保養嘅目的，唔會因為時間愈長而變得暗沉，但只得透明冇其他顏色選擇。

相比Danish Oil，Tung oil有光澤好多，而且無論有冇加工嘅木材都可以直接使用，不過Tung oil就需要定期保養，想保持木材嘅光澤同保護性嘅話，最好每季都上一次油！

－－－－－－－－－－－－－－－－－－－－－－－－－－－－－－－－－－－－－－－－－－－

除舊油：Furniture Refinisher家具修補漆

好多朋友想知舊木翻新可以點，要「修復」，第一件事就要清除舊有塗層同油漆，但係又要剷又要磨，工序多之餘又怕生手整到岩岩巉巉，最慘係剷剷下剷爛埋件古董，而呢支Furniture Refinisher家具修補漆嘅溫和配方，可以輕易溶解舊漆、蠟、清漆而唔破壞木材，還原木材原有自然顏色。

1）倒出適量Furniture Refinisher於金屬/玻璃容器中

2）用鋼絲刷沾滿Furniture Refinisher，以直徑1英尺打圈擦拭

3）定時沖洗並重複步驟2及3，直到溶解掉舊漆為止

4）最後用鋼絲刷沾滿乾淨既Furniture Refinisher，順住木紋方向擦拭以消除花痕

5）風乾30分鐘後，用另一個乾既鋼絲刷再磨一次即可，無需使用其他化學物品清潔

－－－－－－－－－－－－－－－－－－－－－－－－－－－－－－－－－－－－－－－－－－－

戶外木製品專用：Exterior Wood Finishing

還原之後就要做返保養，如果係室內木傢俬就可以用返上集嘅Danish Oil或者Tung Oil，如果係戶外嘅木製品就要特別注意，因為佢地係出面日曬雨淋風吹雨打，比室內傢俬更加需要特別保護，呢啲時侯就要用到Exterior Wood Finishing，佢係Oil嚟，專門為長期放置室外嘅木傢俬、木圍板圍欄、露台花園嘅木地板而設，因為佢嘅獨特配方會滲入到木材深處，由內部提高木材嘅硬度！

‧ 光澤：半透明

‧ 塗層類別：OIL

‧ 特點：防UV、濕氣、黴菌

‧ 用途：適用於新舊木材或變形木材

1）使用前需要徹底地搖勻

2）加入適量Exterior Wood Finishing於刷/布/油轆/噴壺，均勻地塗抹在木板上，風乾30分鐘

3）塗上第2層，再風乾15分鐘，用乾淨布抹去多餘既油，靜置8-10小時即可，寒冷天氣會延長風乾時間

話明戶外專用，佢仲有五大防護：防uv、防水、防霉、防刮、防剝落，而且可以抵抗由於天氣變化而引起的彎曲和膨脹，無論係新舊實木定夾板都一樣用得，聽落好似好hardsell好神奇，上集就有個係五金街買過watco嘅網友同我分享佢嘅實戰經驗喇！